Бүгін «Сорбұлақ — Мойынқұм» бекетінің 31-шақырымында түйістіру жұмыстары жүргізілді.
Бұл — жобаның маңызды кезеңінің аяқталғанын білдіреді. Жалпы ұзындығы 75 шақырым болатын рельс-шпал торы төселді.
«Құрылыс 2024 жылғы наурызда басталды және рекордтық қысқа мерзімде – 20 айдан аз уақытта жүргізілуде. Алматыны айналып өтетін теміржолдың жалпы ұзындығы 125 шақырымды құрайды. Оның ішінде 75 шақырымы – басты жолдар, 50 шақырымы – станциялық жолдар. Сонымен қатар, көпірлер мен жол өтпелері де қарастырылған», – деді жобаның жетекшісі Жігер Анафия.
Жаңа теміржол желісі көлік инфрақұрылымының маңызды бөлігіне айналады: ол Алматы көлік торабындағы жүктемені 40%-ға дейін азайтады, жүктерді жеткізу уақытын 1,5–2 тәулікке қысқартады және Қазақстанның транзиттік әлеуетін арттырады.
Жобаның бас мердігері – «Integra Construction KZ» ЖШС. Жолдың жоғарғы құрылымын орнату жұмыстарын компанияның.
Оңтүстік дирекциясы жүзеге асыруда. Басты жолдарды төсеу жұмыстарының сәтті аяқталуымен – жаңа теміржол желісін пайдалануға беру жолындағы маңызды кезеңмен – барлық жоба қатысушыларын шын жүректен құттықтаймыз!
