Достық станциясы – Еуропа-Азия қатынасымен халықаралық тасымалдарды қамтамасыз етудің негізгі транзиттік дәлізінің бір бөлігі болып табылады. Биыл "19 – Достық разъезі" учаскесінде екінші жолдардың және 19-разъезде үш қабылдау-жөнелту жолының құрылысы аяқталды.
Бір жыл ішінде integra Construction KZ командасы жер төсемін, жасанды құрылыстарды, энергетиканы, дабылды, орталықтандыруды және бұғаттауды орнату бойынша жұмыстар ұйымдастырып, жүргізді. Темір жол автоматикасы мен телемеханиканы іске қосу-баптау орындалды, қажетті инфрақұрылым салынды.
Көлік артериясының жалпы ұзындығы 25 км құрады. Нысанға 150-ден астам жұмысшы мен 50 бірлік техника жұмылдырылды.
